…………………


დღეს, როდესაც შენი ოცნებები სრულდება და უსასრულობამდე ბედნიერი ხარ, შენი თვალები იმ კაშკაშა ვარსკვლავებითაა სავსე, რომლებიც მე მუდამ გზას მინათებდნენ. შენი თვალები… მმმ… ეს საერთოდ სხვა სამყაროა. ეს საოცრებაა, რომლის ნახვაც მხოლოდ რამოდენიმე ადამიანს უწერია კაცობრიობის ისტორიის მანძილზე. იმათ, ვისაც მართლა უყვარხარ და ვისაც ერთხელ მაინც გაუღიმებ. ამ უძირო ორ წერტილში ჩახედვით ეცნობა კაცი სამყაროს, რომელიც ყველაზე ლამაზია კოსმოსში არსებულ სამყაროთა შორის. ამის გაძლება დამეთანხმებით და ძნელია, ამიტომაც მხოლოდ წამით შემხვედრი მზერა საკამრისია, რომ მთელ ტანში ცუნამის გადავლა იგრძნოთ. შენი თვალები მაქანებს ახლაც, მათი გახსენებაც მაქანებს და ბედნიერი ვარ, რომ მე მინახავს უსასრულო სამყარო მათი საშუალებით!
გაბრუებული სივცე თავის გარშემო და მხოლოდ ხმა, რომლითაც მელაპარაკები, მარტო ჩვენ ვარსებობთ ამ ქვეყნად და მის იქით მდებარეობს დანარჩენი რაღაც… რაღაც, რაც არ და ავერ მაინტერესებს როცა მიღიმი… გიყურებ და ვხედავ რა არის სიკეთის სახე, რომელიც შეგიძლია უბრალოდ დახატო. ალბათ შენც დაგხატეს ოდესღაც და გამოგაგზავნეს ამ მიწაზე, რომ გვანახო ბრმებს ნათელი და გაგვაგონო ყრუებს ის მელოდია, რომელსაც აქ, ჩვენთან სიყვარულს ეძახიან.
მე არ ვიცი რა არის სიყვარული, იმიტომ რომ არ გიცნობ ჯერ, მაგრამ მე დაბეჯითებით ვიცი, რომ მინდა გაგიცნო. გამიგია, მაგაზე ძლიერი არაფერი გამოუგონიათო და თუნდაც სიკვდილი მეწეროს, მირჩევნია საუკეთესო იარაღისგან მოვკვდე შენი სახით, ვიდრე უსიყვარულოდ დავტოვო ეს სამყოფელი. მინდა, სიბერისგან დაბრმავებულიც კი, ასი წლის მერე შენს თვალებში ჩახედვისგან ვეგდო საწოლზე გაბრუებული. მინდა, შენი შეხებისგან ისევ ჯრუანტელი მივლიდეს ტანში მიუხედავად უფუნქციო მკვდარი კუნთებისა. თუ ჩემი მთავარი კუნთი იმოქმედებს მკერდში, მინდა მას მაინც დაეხვეს თავბრუ, როდესაც შენი გამხმარი ტუჩების სიახლოვეს იგრძნობს… მინდა შენი სუნთქვის შეხებისას ჩემი სუნთქვა შემეკრას. მინდა, როდესაც ჩემი სული ამოვა, საკუთარი სხეულისა და მოტირალი მეზობლების თვალიერების მაგივრად, შენი ნაკვთები ათვალიეროს! მინდა გიყვარდე! 

 

 

 

 

 

ბევრი მინდა???

Advertisements
%d bloggers like this: